Schwoba

I ben a schwob
ond des isch gescheit,
denn schwoba -
des sen rächte leit!

dia fegad samstich´s
vor am häusle,
des drottwar,
saubr wie a mäusle!

dia grubled em garda
dr ganze dag,
weil jedr schwob
au breschtling mog!

ob gmischda broda
odr lensa mid spätzla,
beim essa machd koiner
irgendwelche mätzla!

dr schwob ka flucha
wia koiner sonschd,
"heiligs Kanonarohr"
des isch a kondschd!

ond spannd dr ranza
oder zwickt dr zaia,
an schwob -
hersch nie schreia!

drom isch dr schwob,
a goddes gscheng,
weil onser hergod
schwäbisch dengt!


©Steffi Illi

© 2023 by EDUARD MILLER. Proudly created with Wix.com